39) උකුළු මුකුළු දාල ගන්න රිදෙන උළුක්කු ..

ඊයේ 29දා මගේ ජීවිතයේ තවත් එක්තරා විශේෂ දිනයක් , ඒ මගේ සිසු කණ්ඩායමක් එක්ක විනෝද චාරිකාවකට යන අවසන් දිනය , මේ සඳහා වසරට නියමිත තවත් ඉදිරියේ වුනත් මේ දරුවන්ගේ ඉල්ලීම නිසා මගේ විදේශ ගමනට ඉස්සර වෙලා මේ චාරිකාව හදිසියේ සුදානම් කරල තිබුණ , මේ නිසයි ඊයේ මගේ ලිපිවලට යොමු කරන අදහස් වලට ප්‍රතිචාර දක්වන්නට ප්‍රමාද වේය කියල මම කීවේ ,

38) දැන ගන්නම ඕන චක්කරේ - menstruation

තත් තත් තත් තාර පැටියා ...පුතා මගේ තාර පැටිය ....

ලොකූ , පුතේ ඉක්මණට මේ ඇඳ හදල  මේ අළුත් රෙද්ද දාන්න , ඔය තියෙන ෂීට් ටික දාන්න සෝදන්න  ,... “ කඩේට ගිය මා ගෙදරට එනකොටම ගේ ඇතුලේ ටිකක් ලොකු කළබලයක් වගේ , ඉක්මණට බලන්න ඕන , බයික් එක පහලින් නවත්වල ඉක්මණට ගේට්ටුව ඇරියා , ...කවුරු හරි ඇවිත් ..වෙන සපත්තු වගයක් ..පුංචි සපත්තු දෙකක් ...ලොකු සද්දයක් .. හරි මට මතක් වුනා ..අද මගේ බිරිඳගේ නංගි එනවා කීවා , මේ එහෙනම් එයාල වෙන්න ඕන ...

මගේ බ්ලොග් සටහනටත් වැඩේ දීලා ....ස්තුතියි

අද දින මගේ email ගිණුමට ඇතුළුවීමට නොහැකි තත්ත්වයක් ඇතිවූ අතර මෙම සොඳුරු සුව අසපුව සොයාගැනීමට නොහැකි යැයි පණිවිඩයක් නිරන්තරයෙන් blogger වෙතින් ලැබුණි .

ඒ අවස්ථාවේ ඒ බව දැනුම් දෙමින් , මට තාක්ෂණික උපදෙස් ලබා දෙමින් මට සහයෝගය ලබා දුන් ඔබ සැමට මගේ ගෞරව පූර්වක ස්තුතිය පුදකරමි .

37) ජීවිතේ ගියර් පොල්ල ලෙඩවීම - Backaches

අද මොකද නැත්තේ ................?????

අපේ සොඳුරු සුව අසපුවේ මිතුරු මිතුරියන් ඊයේ දවසේ මේ පැත්තට ආවත් අළුත් සටහනක් තිබුණෙ නැහැ නේද ? සමහර විට ටිකක් අමනාපෙන් ආයෙත් හැරිල යන්නත් ඇති , සමාවෙන්න ඕන , මොකද ඊයේ සහ අද දවස වෙනදට වඩා කාර්ය බහුල දවසක් වුනා . ඉතින් අද උදේ පාන්දරම කොළඹ ගියා , දැන් දැන් ටිකකට ඉස්සර වෙලා තමයි ගෙට ගොඩවුනේ , හරිම අමාරුයි ඇඟට , දන්නවනේ ඉතිං පොඩි යුද්දයක් වගේ තමයි පැටවු දෙන්නයි බිරින්දෑයි එක්ක පැය දොළහක් විතර එහෙ මෙහේ ඇවිදින එකත් , ඊටත් වඩා අද යන්න හොඳ බස් එකක් හම්බ වුනේ නැහැ , සෙනග වැඩියිනේ , ඉතිං මාත් ජම්පිං ෂීට් එකේ වාඩි වෙලා “පිං  පිං ජම්පිං “ කිය කියා කොහොම හරි ගියා කියමුකෝ ,

36) අමුඩ ලේන්සුවෙන් පිහදාන බඩේ හෙම්බිරිස්සාව

වැස්සට පස්සේ ....

අද උදේම වැස්ස පටන් අරගෙන . තද හුළඟකුත් එක්ක , “අද නම් බයික් එකේ යන්න බැරිවෙයි වගේ , වටේම කළු කරල, දවසම වහීද මන්ද ? “ මනෝජා එළියට බැහැල අහස දිහා බලාගෙන කියනවා , මම අපේ පැටවු දෙන්නගේ ඇඳුම් මදිනවා , ටිකක් අමාරු වැඩක් , මොකද මේ රැළි තියාගෙන මදින එකත් භාවනාවක් වගේ කරන්න ඕන , “ටිකක් බලල අඩු වෙන්නැත්නම් අපි අජිත්ට කතා කරමු , “ ඇඳුම් මදින ගමන්ම මම කීවා.

35)හොඳම වැඩේට හොඳම වයස - Perfect age

පොඩ්ඩො දෙන්නා ඉස්කොලෙට දාල , බිරින්දෑත් රෝහලට ඇරලවල ගෙදර ආවා , වෙනද වගේම කුරුළු රංචු අපේ කුරුළු තැටියට ඇවිත් , ඒ අතරේ විශේෂය කෙනෙක් . ටිකක් තද දුඹුරු පාට පොල්කිචි බබෙක් , අම්මයි තාත්තයි මැදට වෙලා හුරතල් වෙනවා , තනියම බත් ඇට කන ගමන් අම්මටයි තාත්තටයි පොඩ්ඩක් වද කරනව වගේ , නැ ඒක වදයක් වගේ පේනනේ නැහැ , 

අම්මයි තාත්තයි පුතයි , දුවයි ...(නෑ නෑ කෑම කවයි )

මෙන්න ඒපාර ඒ දෙන්නම පැටියට ඉත් ඇට කවනව .පුදුම ආදරයක් , තවත් ලිපියක් ලියන්නට හිතාගෙන හිටියත් මේ සුන්දර දසුන ඇසෙන් ඈත් කරන්නට මට හිත දුන්නෙම නැහැ , දරු සෙනෙහේ මොන තරම් සුන්දරද ? අද මිනිසුන් යැයි කියා ගන්න අපි අතරේ සමහරුන් තමන්ගේ කුසේ ඉන්න පැටියා මරණ , එහෙම නැතිනම් ඉපදුනු ගමන් කසල වලට තල්ලු කරන කාළෙක මේ පොල්කිචි අම්මයි,තාත්තයි මොන තරම් “මන-උස්ස“ ද කියල මට හිතුන.  

34) හදවත සූරන මොලේ හපාකන රජ බොරුකාරයා - Syphilis

කොයි මේල් .....ද ....ජී මේල් 

අද මගේ බිරිඳ ටිකක් අසනීපෙන් වගේ , ශල්‍යකර්මයෙන් පස්සේ තවමත් සම්පූර්ණ සුවයක් නැහැ , පුංචි පුංචි ප්‍රශ්න තිබුණත් පහුගිය දවස් ටිකේ රාජකාරියටත් ගියා , ඒත් අද නම් රාජකාරියේ යෙදෙන්නට තරම් සුවදායක පෙනුමක් නැහැ , ඒත් උදේ පාන්දරම ඇහැරගෙන කුස්සියේ සොඳරු පෙළහර පාන්නට පටන් අරගෙන ,

මමත් email ටික එහෙම බලලා උත්තර ලියලා ගියා කුස්සියට , “අද ඔයාගේ පෙනුම එච්චර හොඳ නැහැ , තාම බඩේ ප්‍රශ්නේ තියෙනවා නේද නොකිව්වට , ?“ මම ඇගේ ඇස් දිහා බලාගෙනම ඇහැව්වේ හුගක් වෙලාවට තමන්ගේ ලෙඩ හංගගෙන මගෙත් දරුවන්ගේත් සතුට වෙනුවෙන් ඇය කරන “පරාර්ථකාමී බොරුව“ අඳුනගන්නම ඕන නිසා

“ නෑ ඒතරම් අමාරුවක් නැහැ , ඒවුනාට ටිකක් ඇඟ රිදෙනව වගේ abdominal distension වගේ .... ටිකක් බලමු නේද ? ..“
“කොහොම වුනත් අද ඩියුටි යන්න එපා ටිකක් rest කරන්න .මම ලොකු මිස්ට කතා කරල කියන්නම් .දැන් ගිහින් ටිකක් නිදා ගන්න ,එළිය වැටුනම මම කඩෙන් උදේට කෑම ගේන්නං, අනෙක් හැමදාමත් උදේට බත්මනේ ....“ කොහොම හරි අමාරුවෙන් ආයෙත් ඇඳට යවල මම ආයෙත් gmail එක ඇතුලට රිංගුවා ,

33) ඔබේ “ජීවිතය“ සොරා ගන්නා කම්මැලියා - Depression ..

අනේ...මට ජීවිතය දෙන්නකෝ .....

අද උදේ Duty , මේ දවස් ටිකේම වැටෙන කුඩු පොද අතරින් මගේ දඬුමොනරය පැදෙව්වා වාට්ටු අංක 55 ළඟටම .... අද උදේ මමයි , ගීත මිසුයි විතරයි ඉන්නේ .ඉක්මණටම වැඩ පටන් ගන්න ඕන .රාත්‍රී සේවා මුරය නිමා කළ හෙද නිලධාරිනියගෙන් වාට්ටුවේ ඉදිරි වැඩ ටික භාර ගත්ත .

32) මරණයේ දැවිල්ල - Gastritis වලින් පරිස්සම් වෙන්න

සීතල ......උණුහුමක්  ???......

ඊයේ ඇසළ පෝය දවස ...දුවන වැස්සත් එක්ක වරින් වර වැටෙන පොද පොළොව විතරක් නොවෙයි අපේ හිතත් සංසුන් කළා වගේ දැනෙනවා ...ඒත් මගේ බිරිඳගේ හිත නම් නොසන්සුන් කරළ වගේ ..ඇය සෝදපු රෙදි ටික වේලගන්න විදියක් නැතිව “යුද්ධයක්“ කරනවා ...“ලොකූ මේ වෙලිච්ච රෙදි ටික ගෙට ගිහින් දාන්න ...ආයේ වැස්සොත් ඒ ටිකත් ඉවරයි .....“ බිරිඳ කළබළය මුසු විධානයක් දුන්නා...“අම්මේ ..අද විජිත සාදුලගේ පන්සල් යමුද ? හුඟ දවසකින් ගියේ නැහැනේ ...“ රෙදි ටික ගෙට ගෙනත් දාපු ලොක්කී අම්මගෙන් අහනව මම අහගෙන ...“යමු ..හැබැයි වැස්සොත් නම් යන්න බැහැ , අනෙක අර තාත්තගේ වැඩක් ඉවර කර ගන්න තියෙනවා කිව්වනේ...ඔයාල කරදර කරන්නේ නැතිව හිටියොත් ඉක්මණට ඒ වැඩේ ඉවර  කරගෙන ..හවස් වෙන්න ඉස්සර පන්සලට යමු .....“ පැහැදිලි කරන ගමන්ම කළබලේට රෙදි දානව ..පොඩි අවු රැල්ලක් වැටිලා ඒකයි මේ .....

31) ආදරේ ගැන රසම රස රහසක් - Love & lust (lost නොවෙන්නට)

ආද ray ...............

කාළෙකට පස්සේ ටිකක් විවේකයෙන් කාළය ගත වෙනවා ...මට විවේකය තිබුණත් මගේ ජංගම දුරකථනයට නම් නිස්කලංකේ ඉන්න හම්බවෙන්නෙම නැහැ වගේ ...S.M.S වලින් පිරිණු Inbox එක ....නිකමට වගේ බැළුව ...මගේ සිසු දරුවන්ගේ සුභ පැතුම් , විවිධ අදහස් පිරිලා ඉතිරිලා යන තරමට ...එකින් එක බැලන්නට හිතුනා  මොකද පහුගිය දවස් ටිකේම ආ S.M.S. මොනවාදැයි කියලවත් බලන්න වෙලාවක් තිබුණේ නැති තරම් ...ඒ අතරේ විශේෂ පණීවිඩයක් හමුවුනා ...

30) පරිස්සමට පරීක්ෂණේ ..රිපෝට් එකේ ලියා ඇතේ

ට්‍රීං..ට්‍රීං.....මේං..මේං....

ඊයේ දවස හුඟක් සංවේදී වුනා ...පුංචි දරු පැටවුන්ගෙන් හෘදයාංගමව ගලා ගිය සුන්දර කදුළු බිඳු වලින් පිරුණු පැය පහක කාළය විටෙක මට දරා සිටින්නට හරිම අමාරු වුනා ..මගේ බිරිඳට කඳුළ සඟවන්නට බැරි වුනත් මම සිතින් විඳිමින් කඳුල සඟවා ගත්තා ..මගේ පැටවුනේ ....ආයෙත් මට ඔබට Anatomy උගන්වන්නට එන්න වෙන එකක් නැහැ ...ජීවිතේ රස කතා කියන්නට ඉඩක් මට ලැබෙන්නේ නැහැ ..ඒත් පුතේ ..දුවේ ...හැමදාමත් ඔබේ දිරියට , ඔබ ළඟින් අපි ඉන්නා බව සිත් තබා ගනී යැයි සිතමි ....

29) සමුගනිමි මම ඔබෙන් ...තවත් එක් නිමාවකි ...පතමි සුබ උදාවක්...

 මෙම සටහන මගේ බ්ලොග් සටහනේ මූලික අරමුණු බිඳ නොදමනු ඇතියි විශ්වාස කරමි .. මෙම සටහනේ මූලික ඉලක්කය වනුයේ හෙට දිනයේ මගෙන්/අපෙන් වෙන්වන සිසු දරු පිරිසකි....නමුත් බ්ලොග් අවකාශයේ ඔබ සැමට මෙම සටහන විවෘතයි ..වෙසෙසින්ම මේ දරුවන්ට යම් උපදෙසක් දෙන්නට ඔබත් රිසිනම් ...

28) කකුලෙ එතී දිවි වනසන මකුළු දැල - Varicose veins

හොඳ වෙලාවට ඇහැරුනේ  !!!!!

අද ටිකක් නිදි මතයි වගේ ..ඊයේ රාත්‍රී සේවා මුරය කළේ ..වෙනදට වඩා ටිකක් මහන්සියි ..ඇඟේ අමාරුවද , හිතේ අමාරුවද මන්දා ...ටිකක් නිදා ගන්න ඕන ...ගෙදර කවුරුවත් නැහැ ...පොඩ්ඩෝ දෙන්න ඉස්කොළේ , මගේ බිරිද රෝහල් සේවා මුරයේ ...තනියම ගෙදර ඉන්න හරිම කම්මැලිය වෙනදට නම් ....අද නම් නිදා ගන්නමයි හිතෙන්නේ ....

“අපි යමුද ....වෙලාව හරී......“ මගේ බිරිඳගේ හඬ වගේ යාන්තමට  ඇහුන ...හීනයක්ද ? ..මොකද කවුරුවත් හිටියේ නැහැනේ ගෙදර ....ටිකක් කල්පනා කළා ... වෙන්න බෑ ....දඩිස් ගාල ඇඳෙන් නැගිට්ටේ කවුද මේ  කියල බලන්න...බැලින්නම් මෙන්න ..මනෝජා .... මගේ නිදි බර ඇහැ ගියේ ඔරලෝසුවට වෙලාව එකහමාරයි ....දැනුයි තේරුනේ මම උදේ හතහමාරෙ ඉඳල හොඳට නිදා ගෙන ...

27) හොඳ බබා නරක් කරන පාට කෑම - A.D.H.D

දවස් කිහිපයකින් ලියන්න බැරි උනා ...හිතට ටිකක් හරි නැහැ ..මම ආදරෙන් උගන්වපු , මගේ ආදර පුංචි පැටවු ටික (සිසු දරු දැරියන් ) දාල   , ඒ ආයතනයෙන් සමුගෙන යන්න කල් හරි ..හෙට අවසාන දේශනය ..අවුරුදු පහක් විතර මම , මගේ ගෙදර තරමටම ආදරය කළ ඒ ආයතනයෙන් ,ඒ දරුවන්ගෙන් සමුගන්නවා හෙට , මගේ පුංචි එවුන් එවන දුක , ගුරු ආදරය පිරුණු S.M.S වලින් මගේ දුරකථනය පිරිලා ගිහින් , කියවන්නට තරම් හිතක් නැහැ ...හිතේ කදුලක් පුරවගෙන නින්දට ගියා ...