179) කොන අල්ලා ඇදටම යන - කටට මිසක අතට නොරිසි අකුරු අමුත්තෝ

මාතෘකාව කියවපු ගමන් නිකං අන්දමන්ද වෙලා වගේ මේ බ්ලොග් එකට ඇතුළු වුනා නම් , මේ ටික කියන්නම එපායැ තව දුර යන්න ඉස්සෙල්ලා.

මේ ‍‘‘සොඳුරු සුව අසපුව“ , තවත්  එක් සිංහල බ්ලොග් සටහනක් , මාතෘකාවේ මොනවා තිබුණත් කතා කරන්නෙ ප්‍රධානවම ලෙඩ රෝග , හඳුනගන්න විදිය , වලක්ව ගන්න විදිය , තව ...බොහොම හදිසියෙන් මෙ දවස් වල සමාජයේ කතාබහ වල මාතෘකා ගැන වගේම ජීවිතේට වැදගත් සමහර වෙනත් දේවලු මේ පිටුව ඇතුළෙ කතා කරනවා . හැබැයි ඉතින් කෙනෙකුට මේ ලිපි “ෆන්“ නැති වෙන්න පුළුවන් . ඒත් සුවෙන් සතුටින් ඉඳිත්දි වැඩිය කතා කරන්න අකමැති “තිත්ත“ දේවල් ගැන තමයි මේ අයිසිං , සීනි , පැණි එක් කරමින් කතා කරන්නට උත්සාහ කරන්නෙ ( ඒ නිසාම මේ ලිපි ටිකක් දිගයි , මොකද දැන ගත යුතු දේ තේරුම් ගන්නට පුළුවන් තරමට විස්තර කරන්නට වන නිසා)  . ඒ උත්සාහය  කොතරම් සාර්ථකද කියන එක දැනෙන්නේ ඔබෙන් ලැබෙන අදහස් ,යෝජනා සහ චෝදනා ඔස්සේමයි.

178) අමිල සතුටක් ලැබෙන නොමිලේ දීම

රෑං ගාල යන ස්කියිං (පිංතූරය freesportwallpaper.com වෙතින් )

“සේරා  , තව එක රවුමයි , අපි රෑ වෙන්න ඉස්සර වෙලා කොටේජ් එකට යන්න ඕනේ“ 
“ඕකේ ...ඩැඩී ....මෙ රවුමයි තව එකායි “  තාත්ත ගාවින් විදුලියක් වගේ වේගෙන් ලිස්සලා ගිය සේරා පස්සෙන් ඇගේ මල්ලි බ්‍රයන් ටිකක් දුර ගියත් , වෙනද වගේ නෙවි අද ටිකක් කම්මැලි හන්ද ආයෙත් ආව තාත්ත ගාවට ,

“ඩැඩී , මේ අර  ඈත තියෙන කන්ද මුදුනේ ෆෝටෝ එකක් අරන් දෙන්නකෝ , අර  අර වලාකුලෙන් වැහෙන්න  හදන්නේ , ම් ම් .. පෝඩ්ඩක් ඉන්ට , අපි වලාකුලෙන් බාගයක් කන්ද වහගත්තම ගමු , මගේ ස්කූල් ප්‍රොජෙක්ට් එකට කියාපු පිංතූරෙ “ 

177) අට පහ නොදැන කාසියට බය වන පුංචි පැටවු

ඔබ සොඳුරු සුව අසපුවට ගොඩ වදින අයෙක් නම් ඔබට මතක ඇති මීට පෙර ලිපියකින් අප ආරම්භ කළා පෙර පාසල් / පාසල් වයසේ සිටින දරුවෙකු තුලින් හඳුනාගත හැකි , විශේෂිත  අධ්‍යාපන දුබලතා පිළිබඳව. එයින් මූලික අවස්ථා දෙකක් වන ඩිස්ලෙක්සියා සහ ඩිස්ප්‍රැක්සියා කියන තත්ත්ව දෙක ගැන මේ  වන විට කතා බහ කරල අවසානයි. ඔබ අළුතින් මේ  පිටුවට පැමිණියා නම් , ලිපි අංක 74න් ඩිස්ලෙක්සියා ගැනත් , ළඟදි එක්කළ ලිපි අංක 175න් ඩිස්ප්‍රැක්සියා තතත්වය පිළිබඳවත් කියවන්නට , කතා බහේ යෙදෙන්නට හැකි වේවි.

එසේ නම් අද කතාවට මාතෘකාව වෙන්නේ ඊළඟ D එක , එනම් ඩිස්කැල්ක්‍යුලියා Dyscalculia තත්ත්වය පිළිබඳවයි.

පොඩ්ඩ්ක් ඉන්න , දැන් වෙලාව කීයද ? ......

ටිං ටි ට්‍රිං .....වෙලාව දහවල් දොළහයි හතලිස් පහයි , මේ......... ගුවන් විදුලි ....යි . මෙන්න ප්‍රවෘත්ති , ප්‍රකාශය .... විසින්  .

අසූ ගණන් වල මුල ප්‍රවෘත්ති අහපු ,
මුවන්පැලැස්ස , සුගන්ධිකා වැනි නාට්‍ය මනසින් දකින්නට හැකියාව දුන් රේඩියෝව

176 ) පන රැක ගන්නට පැන පැන යන්නේ !

අද පුවත් පත් කියවත්දි ගාල්ල ගිංතොට ප්‍රෙද්ශයේදි සිදුවූ අවාසනාවන්ත අනතුරක් ගැන කියවන්නට ලැබුණා. අධිබල විදුලි රැහැනක් වාහනයක් මතට කඩා වැටීමෙන් තිදෙනෙක් මිය ගිය බවයි එහි කියවුනේ.

සිදුවීම නිවැරදිවම නොදනිතත් , අට දෙනෙක් එම රිය තුල සිටි බවක් පුවත් පත් වල සටහන් ව තිබූ අතර , ඉන් තිදෙනෙක් මිය ගිය බවයි සඳහන් වුනේ .  මිය යාමට හේතුව අධිකරණ වෛද්‍ය නිළධාරිවරයා තීරණය කරාවි ඉක්මණින්ම . කෙසේ වෙතත් මෙවන් අනතුරු වලදි බහුලවම මිය යාම සිදුවන්නේ  , විදුළි රැහැන ස්ඵර්ශ වූ රියෙන් බැස යාමට උත්සාහ කිරීමේදී . එයට හේතුව බිමට පය ස්ඵර්ශ වන මොහොතේ අදාල පුද්ගලයාගේ සිරුර රිය සමඟත් ගැටී තිබුණා නම් විදුලිය දේහය ඔස්සෙ ගමන් කර භූගත වන නිසා.

175) අනාගතේ බොඳ කරනා ඩී හතරේ වැරදිකාරයෝ

පිංතූරය www.freehdw.com පිටුවෙන් 

තවත් සීතල දවසක් ,යාන්තමට වැටෙන ඉර එළිය අස්සෙන් හොල්මන් රෑනක්  පේනවා, වස්සානයේ නිමාවත් සමඟ කොළ දළු හැළුනු ගස් දැන් හරියට “හොල්මන් වගේ “ . හැබැයි බිම පුරාම වැටුනු පාට පාට කොළ වලින් ලස්සන බිම් ඇතිරිල්ලක් හැදිල. ඒ ඇතිරිල්ල උඩ මිදුනු හිම කැට  යාන්තමට වැටෙන ඉර එළියෙන් දිලිසෙන්නේ පුංචි මැණික් කැට වගේ .

අක්කව ඉස්කෝලෙට දාල , පොඩ්ඩිගේ පාසල ගාව ටික වෙලාවක් නැවතිල ඉන්න මොහොතේ , මගේ හිතේ ඇඳුනු මේ සිතුවම ඉරාගෙන පුංචි පැටවු රෑනක් එනව පේනවා . අර බිම වැටුනු , සීතල කොළ අහුලමින් , විසි කරමින් , වැටෙමින් නටමින් එන දඟයෝ ටික දැක්කම මෙච්චර වෙලා තිබුණු නිස්කංලක බව නැතිවෙලා අමුතුම සුන්දර හැඟිමක් එනවා . අවුරුදු තුනේ හතරේ විතර පැටවු රෑනක් .

174) මරණ දඩුවම කෝකටත් තෛලයක්ද ?

වේදනාවෙන් නැගි “ජනප්‍රිය රැල්ල“ 

මේ දවස් වල අපේ රටේ වැඩියෙන්ම කතාවන මාතෘකාව “මරණ දන්ඩණය“ , එයින් මේ අපරාධ සියල්ල මැඩ පවත්වා , ස්ත්‍රී දුෂණ , ළමා අපචාර , මිනී මැරුම් නැති “සුන්දර රටක් “ බිහි කරන්නට මේ “දන්ඩණයට“ හැකි බවත් එය ඉක්මණින් ලබා දෙන ලෙසත් කරන බලපෑම් , ඉල්ලීම් , වාද විවාද බෝමයි . මේ සියල්ල දෙස අසා බලා සිටින වෙලාවෙ මේ මරණ දණ්ඩනය සහ එහි පල-අපල , අැත්තෙන්ම එය මේ කියන තරම්ම බලගතු  අපරාධ නාශකයක්“ දැයි විමසා බලන්නට හිතුනා . 

173) පෝර්න් , සෙක්ස් , ගල් සමඟින් මරණය සහ රමණයේ වින්දනය

මෙම මාගලක් වැනි දිග ලිපිය තුල කතා කරන්නට හදන කතාව සාරාංශයක් කළොත් මෙන්න මේ වගේ අනු මාතෘකා ටිකකට කඩන්න පුළුවන් ,

• නූල්ඩ්ස් වීරයෝ 
• පවුකාරයාට ගල් ගැසීමද ? 
• පවුකාරයාට ගල් , අපරාධකාරයාට මල් 
• මරණ දණ්ඩණය කෝකටත් තෛලයද ? 
• අසාධ්‍ය නොවූ මාධ්‍යයක් 
• ලිංගික කෘරත්වයට හේතු 
• සෙක්ස් මැජික් 
• පෝර්න් බිස්නස් එක 
• ලිංගික සේවා නීතිගත කරනු ! 
• ලිංගික ක්‍රීඩා භාන්ඩ ආනයනය කරනු!

                                                                    පරිස්සමින් කියවන්න . 
------------------------------------------------------------------------------

173) අච්චාරුවක් සමඟින් “Land of Rape and Honey“

මෙම මාගලක් වැනි දිග ලිපිය තුල කතා කරන්නට හදන කතාව සාරාංශයක් කළොත් මෙන්න මේ වගේ අනු මාතෘකා ටිකකට කඩන්න පුළුවන් ,

172) කටකාර කෙල්ලන් සමඟ කොල්ලන්ගේ “පමාව“

“මුහුදු හුළඟෙන්“ පිබිදුනු , අහංගම 

අතීතය කියන්නේ හරිම සුන්දර මතකයන් වලින් කළ ගෙත්තමක් වගේ , දුක , සතුට , අවිවේකී තරඟය , සිනා , කඳුළු හැම දෙයින්ම “සුන්දර වුනු“ ඒ අතීතයට ඉඩක් ලැබෙන හැම මොහොතකම ගිහින් එන්න හරි අාසයි .

171) ඇටේ දමා කටේ බේර ගන්න පනේ

කාළෙකට පස්සෙ , මතක විදියට සොඳුරු සුව අසපුවට ලිපියක් එක් කරන්නේ මාස දෙකකින් විතර. විවිධාකාර වෙනසවීම්  , අවිවේකය , වගේ කාරණාවන් ගණනාවක් මේ ප්‍රමාදයට හේතුවුනා. ඒත කාළෙකට පස්සේ “සිංහල බ්ලොග් පරිශ්‍රයට“ ඇවිත් බලත්දි හිතට සතුටක් වගේම පුංචි දුකකුත් ඇති වුනා . සතුටනම් .... අළුත් බ්ලොග් ගණනාවක් එක්වී තිබීම , දුක නම් තිබුණු බොහොම රසවත් , නිර්මාණශිලී වගේම දැනුමක් ලබා ගන්නට තිබුණු බ්ලොග් ගණනාවක් යාවත්කාලීන වන බවක් පෙනෙන්නට නොතිබීම . 

පිංතුරය ගත්තේ සිංදු ඇනෝ ගේ පිටුවෙන් 

කෙසේ වෙතත් නිවාඩුවක් ලැබුණු දවසේ පුළුවන් සටහන් ටිකක් කියවගෙන යත්දි විශේෂ යමක් ඇස ගැටුන , ඒ අපේ රටේ දක්ෂ වයලීන වාදකයෙක් වුනු රුවන් වීරසේකර සංගීතවේදියා රෝගාතුරව සිටින බව . තව දුරටත් මේ ගැන කියවත්දි දැන ගන්නට ලැබුණෙ ඔහු දියවැඩියා කෝමා තත්තවයෙන් තවමත් පෙළෙන බව (පුවත් පත් වාර්තා අනුව) .

කළු බලු කතාවක්

අපේ සමාජයේ සෑහෙන පිරිසක් විඳවන මානසික රෝගී තත්ත්වයක් ගැන සැකසු මෙම වීඩියෝවෙන් ඔබට බොහෝ දේ දැනගන්නට පුළුවන් වේවි.

අළුත් ලිපියක් ලියන්නට ඉඩක් නැතත් , මේ වීඩියෝව තුලින් සරළව හඳුන්වා දෙන්නට හදන රෝග තත්ත්වය ගැන තවත් දැනගන්නට  මෙන්න මේ ලිංක් එක ඔස්සේ  පුළුවන්
http://www.nursinglk.com/2011/07/33-depression_17.html

මුවේ සිනා පිරි ඔවුන්ගේ දිනයයි

මේ ගැන ලිපියක් ලියන එක ගැන හිතත්දි මගේ හිතට තව උල්පන්දමක් දුන්නු film එකක් තිබුණ...ඒ fly away කියන සංවේදී , ලස්සන චිත්‍රපටිය , ඔටිසම් සහිත දරුවෙක් වෙනුවෙන් කැප වන මවක් හා , ඒ දිරිය මත ඉදිරියට යන දරුවෙක් වටා ගෙතුණු සුන්දර චිත්‍රපටයක් . මේවන තෙක් ඔබ මේ චිත්‍රපටය බැලුවෙ නැත්නම් බලන්න , හොඳ දැනුමක් ගන්නත් පුළුවන් . මේ film එක නොබැලුවත් මම දන්නව ඔබ my name is khan “ බලන්න ඇති . එහිදි Rizwan Khan ලෙසින් සාර්ථක සහ වෙනස් රංගනයක් යෙදෙන ශාරුක් ඛාන් රඟ දක්වන්නේ මේ ඔටිසම් රෝගි තරුණයෙක්ගේ චරිතයක්. මතකද ඔබට මේ දෙබස් "My Name is Khan..I am not a terrorist" , අපිටත් කටපාඩම් වන තරමට නිරන්තරයෙන් කියූ ඒ දෙබස.

මේ අද දවසේ කතා කරන සංකීර්ණ තත්ත්වයක් පිළිබඳ කතා කළ ලිපියකින් උපුටා ගැනුමක් , 

සම්පුර්ණ ලිපිය කියවන්නට http://www.nursinglk.com/2011/08/51.html

මේ රෝග කාණ්ඩයේ තවත් අවස්ථා හඳුනාගන්නට 

http://www.nursinglk.com/search/label/Autism%20Spectrum%20Disordershttp://www.nursinglk.com/search/label/Autism%20Spectrum%20Disorders

170) ලොකුවට නොහිතන පොඩිවුන් රැක දෙන “යට ඇඳුමේ කතාව“ !

ටික කාළයකට පස්සෙ , වෙනස් වීම් ගණනාවක් එක්ක ,තරඟ කරන්නට වූ නිසා පහුගිය කාළය පුරා වරින් වර
 ඇවිත් “සිංහල බ්ලොග්“ අතරේ එබිකම් කරත්  , අළුත් යමක් ලියන්නට අවස්ථාවක් ලැබුණෙ නැහැ. ඒත් දැන් සංක්‍රාන්ති සමයේ නිමාවක් දැනෙන නිසා අයෙත් මේ විදියට ලියන්නට සිත පෙළඹුවා. 

අද මාතෘකාවටත් “වෙනස්වීම“ කියන සංකල්පය හුඟක් ළං වෙනවා , ඒ කියන්නේ අද ඉතින් “කාළෙ වෙනස්“ , “තාලේ අළුත්“ කියලනේ හුඟක් අය කියන්නේ . ආර්ථිකය , සමාජීය වට පිටාව , පවුල් බැඳීම් වගේම තවත් බොහෝ දේ “විපරියාසකට“ පත් වෙලා කියල කෙනෙක්ට දැනෙන්න පුළුවන්.