මේ කියවූ කෙනෙක් හිතන්නට පුළුවන්, අපි සෝෂල් මීඩියා වලින් කොයිතරම් දේ ඉගෙන ගන්නවද කියලා. ඔව්, එහෙම අවස්ථාවකුත් තිබෙනවා. නමුත් ගැටළුව වෙන්නේ,නිකම්ම( ඒ කිව්වේ, යමක් ඉගෙන ගැනීමේ දැඩි අරමුණක් නැතිව) යූටියුබ් වීඩියෝ එකක් දිහා බලාගෙන ඉඳිත්දි වෙන්නේ passive consumption of information අවස්ථාවක්. ඒ කියන්නේ අපේ මොළය, මොළයේ සෛල වලට ලොකු වැඩක් කරන්න දෙයක් නෑ, වීඩියෝ එක එනවා , මොළයේ සෛල ගාවින් ඔහේ යනවා , එයාලට වැඩක් කරන්න දෙයක් නෑ වගේ. නමුත්, පොතක් කියවනවා , ඒ කියන්නේ ඇත්තටම කියවීමක් කරනවා නම් මොළයේ සෛල, මොළයේ විවිධ කොටස් ගණනාවක් "සක්‍රියව" සහ ඒකාබද්ධ වෙමින් ක්‍රියාත්මක වෙන්න පටන් ගන්නවා. එය වාසියක්. ඒ විතරක් නොවෙයි, සෝෂල් මීඩියා තුල ලියවෙන දේ පවා කියවත්දි අපි බහුතරයක් ඒ ලිපි ගැඹුරු කියවීමක් කරනවාට වඩා උඩින් පල්ලෙන් කියවාගෙන යාමක් සඳහානේ වැඩි කැමැත්ත සහ තාක්ෂණීකව පෙළ‍ඹවෙන්නෙත් එවැනි ස්කිම් කිරීමකටනේ (skim content instead of reading thoroughly). ඒ තුල එම පුද්ගලයාගේ මතකය තුල රඳවා ගැනීමේ හැකියාව, විමර්ශණශීලී හැකියාව දුර්වල වීමක් වන බව හදුනාගන්නවා. සෝෂල් මීඩියා ඔස්සේ ඇතිවන ඩොපැමීන් ඇබ්බැහිය (Dopamine dependency) නිසා බොහෝ වෙලාවට අප කරන්නේ ඒ මත ස්ක්‍රොල් කරමින් උඩ පහල යාමක් නේ. දන්නවද දැනට හදුනාගෙන තියෙන විදියට පුද්ගලයෙක් දවසකට සාමාන්‍යයෙන් අඩි තුන් සීයක විතර දිගක ස්ක්‍රෝල් කිරීමක් කරනවාලු. ඒ කියන්නේ පොල් ගස් පහක් හයක් විතර උඩට අපි නගිනවාලු.
දැන් මේ කතාව තුල සෝෂල් මීඩියා කියන්නේ අපිව විනාශ කරන්න ආ යකෙක් වගේ හදුන්වා දෙන්නට යන්නේ නැහැ. නමුත්, එය නිවැරදි ලෙස, අපට වාසිදායක ලෙස භාවිත කරගන්නා ආකාරය ගැන දැනුම , තවමත් අප අතරේ ප්‍රමාණවත්ව තිබෙනවාද කියන එක ගැටළුවක්. ඒ නිසා, තව දුරටත් මේ ගැන විමර්ශණශීලී ලෙස කතාබහක් ඉදිරියට ගෙන යන අතරේ, ඔබත් එක තවත් අළුත් නිර්මාණයක් ගැන අදහසක් බෙදා ගන්නට හිතුවා. ඒ මේ වෙලාවේ , සෝෂල් මීඩියා නිසා විය හැකි අපහසුතා, පීඩාවන් සීමා කර එය නිවැරදි විදියට භාවිත කරමින් අපට ඵලදායී ලෙස යොදා ගැනීම කළ හැකි (Engaging in mindful technology use) ක්‍රමයක් ගැන කතා කරන්නට.
මෙය ලිවීමක් සහ අවබෝධයෙන් කියවීමක් හෝ විමසිල්ලෙන් ඇසීමක් කළ හැකි ලෙස තාක්ෂණය යොදා ගනිමින්, ඔබේ නිර්මාණශීලීත්වය, බුද්ධිමය හැකියාව වැනි වටිනාකම් වලට තැනක් දෙන්නට, ගන්නට ඔබටම අවස්ථාවක් ලබා දීමක්.
ඒ අළුත් උත්සාහය දැක ගන්නට හෝ විඳින්නට ඔබට එන්නට ආරාධනා කරනවා 4MeBooks වෙතට. ඔබට එතැනදී හමුවේවි විවිධ මාතෘකා ඔස්සේ ලියැවුනු කෙටි eBooks/ Flipbooks වගේම, Spotify ඔස්සේ එම පොත් ගැන සවන්දිය හැකි කතාබහකටත්.
දැන් කැමැති කෙනෙක්ට, මෙම විද්‍යූත් පොත් තමන් කැමති ලෙස කියවන්නට පුළුවන්. ඒ වගේම කියවනවාට වඩා අහන්න කැමති නම් සාකච්ඡාවකට සවන් දෙන ලෙස අහන්නටත් අවස්ථාවක් තිබෙනවා. මේ ක්‍රම දෙකම, ඔබේ කැමැත්ත මත, ඔබේ උනන්දුව මත සහ සක්‍රියව කරනවා නම් සාම්ප්‍රදායික සෝෂල් මීඩියා භාවිතයකට වඩා ඔබට වාසියක් වගේම ඔබේ මනසට හොඳ ක්‍රියාකාරකමක් වෙනවා. ඒ, මේ කියවීම සහ ඇසීම තුල මොළයේ නිර්මාණශීලීත්වය, "මවාගැනීමේ හැකියාව", මතකයේ රඳවා ගැනීමේ හැකියාව ඉහළ යාමට වැඩි ඉඩක් තිබෙනවා. (ඔබට මතක ඇති, එදා ගුවන් විදුලි රඟමඩළ අහත්දි, ඒ කතාව, අපේ නිර්මාශීලීත්වය මත මවා ගන්නට අවස්ථාවක් ලැබුණා)
මේ පොත් ලියන්නේ, ඔබ අප අතරේම තවත් මිතුරන් පිරිසක්. එහෙම නැතිව ජනප්‍රිය , ප්‍රසිද්ධ "ලේඛකයන්" හෝ පර්යේෂකයන් ලෙස හදුන්වා ගන්නා අයම පමණක් නොවේ. ඒ අයත් ඉන්න පුළුවන්, ඒ අතරේ එම හදුන්වාගැනීම නොමැති , තම දැනුම , අත්දැකීම, අදහස් සරුවට බෙදාගන්නට පුළුවන් තවත් මිතුරන් ඉන්නවා, මේ ඒ අයටත් අවස්ථාවක් ලැබීමක්.
ඉතින් , ඔබ කැමති නම් එන්න කතා කරන්න, කියවන්න, අදහස් බෙදාගන්නටත්.
එනවා නම් මෙන්න පාර, https://www.4mebooks.ca ඔය උඩ තියෙන ලිංක් එක දිගේත් එන්න පුළුවන්.
